Монголын дугуйн холбоо (МДХ) тамирчны лиценз олголтоо эхлүүлжээ. 2025 оны лицензийн төлбөр 50 мянган төгрөг байх шийдвэрийг МДХ-ны Удирдах зөвлөлөөс гаргасан байна. Лицензийг заавал МДХ-ны гишүүн (клуб, холбоо зэрэг) байгууллагын харьяаллаар олгоно. Түүнчлэн МДХ нь гишүүн (клуб, холбоо зэрэг) байгууллагаас 300 мянган төгрөгийн хураамж авахаар шийдвэрлэсэн байна.
Лиценз авах тамирчид МДХ-ноос шаардаж буй хувийн мэдээллийг веб сайтын зохих хуудсанд оруулна. Харин лиценз авалгүйгээр зөвхөн клубийн хураамж төлөлцөх гишүүд хувийн мэдээллээ өгөх албагүй.
Лиценз авах болон хураамж төлөлцөх гишүүд МДХ-ны лиценз ба татвар хуудсаар дамжуулан мэдүүлэг өгнө.
Цаашид тухайн онд хэн хэн лиценз авсан, клубийн хураамж төлөлцсөн бас клубийн нэрээр лиценз авсан тамирчид МДХ-ноос зохиосон тэмцээнд ямар амжилт үзүүлсэн зэргийг бүртгэж улмаар клубийн веб сайт дээр нийтэлж байх болно.
Жич: 3 сарын 15-ны тэмцээнд оролцох тамирчид лицензээ түүнээс өмнө авахыг МДХ-ны зүгээс сануулсаныг үүгээр уламжилъя. Түүнчлэн МДХ нь клубийн бүртгэл ба лиценз олголтыг 3-р сард багтаан дуусгахаар төлөвлөсөн байна.