Улаанбаатар уулын дугуйн клубийн аялал

Аяллын тэмдэглэл

Манай группынхэн Гацуурт суурин дээр цуглаж 13 аялагч 10.30 цагт төлөвлөсөн замдаа гарлаа. Нэг аялагч гишүүн (038) ажлын бололцооноос шалтгаалан нэлээд оройтон бидний араас гарсан мэдээлэл өглөө. Гацууртын амыг 8 км гаруй өгсөн жийж байтал харин араас гялалзаад жийгээд ирлээ. Аяллын баг бүрэн бүрэлдхүүн (14 хүн)-тэй боллоо.

Цаг агаар хачин сайхан, яг л хаврын нэгэн нартай өдөр шиг, манайхан хувцасаа нимгэлж, Шилжирийн ам өгсөн жийж, түрж урагшилсаар 13.30 цагт Шилжрэнгийн даваа дээр гарч үдийн хоолоо идлээ. Манай 4 гишүүн жийсээр байгаад Шилжрэнгийн даваа дээр гарч, багын нөхдийн бахархал болов.

Даваа уруудах зам гүнзгий сул цастай байлаа. Доод энгэрийн бяцхан довцог дээр цас туулан уруудаж, өгсөж тоглох нь соёолонгууд болон бүгдэд таатай байсан. Их хуандийн амыг уруудан тачигнатал жийсээр 15.30 цагт Гацуурт суурин дээр ирж аялал амжилттай дууслаа. Аяллын зай- 40 км. Хот руу 5 гишүүн жийгээд явсан, залуу гишүүд маань шөрмөстэй, хатуужилтай  аргагүй л сайн жийж байлаа.

Хөдөлгөөнөөр халсан бие, урт замд уруудахад хөрч, шөрмөс (2 гишүүн) татах шалтгаан болдог юм байна. Бага зэрэг халтирах, "зөөлөн газардах" зэрэг аялалд түгээмэл байдаг үйлдэлүүд биднийг тойрсонгүй. Мөн унадаг дугуйнд 2-3 удаа техникийн гэмтэл, согог илэрч байсан. Цаашид гишүүд өөрийн үнэнч хань унадаг дугуйгаа найдвартай засах, аялалд бэлдэж байх шаардлага байгааг энэ аялал нотолж өглөө. Гишүүн Манлай (034) маань дугуй засах, найдвартай цоожлогч хийх зэргээр жаахан завгүй аялсан даа.

Аялалд оролцсон бүх аялагч гишүүд болон анх удаа группийн аялалд оролцсон Б.Батбилэг (061) хүүд талархал илэрхийлье. Сайхан өдөр, саадгүй жийлээ дээ.

Оролцсон гишүүд

• бахархлын тэмдэг
• туулсан замын урт
• оролцсон аяллын тоо
• оролцсон хоногийн аяллын тоо
• оролцсон олон хоногийн аяллын тоо
• УБ 240/24 аяллыг амжилттай дуусгасан тоо
• Долоон давааны сорилго давсан тоо