Улаанбаатар уулын дугуйн клубийн аялал

Жийлт #79 - АВТОМАШИНГҮЙ ӨДӨР 2026

Веб хуудасны каноник хаяг

https://www.ubmbc.com/biking/407

Аяллын төрөл

Жийлт

Багийн хуваарилалт

Нэг баг

Замын урт

20 км

Давааны тоо

Өндөр авалт

95 м

Өндөр алдалт

-97 м

Их өгсөлт

3.9 %

Их уруудалт

-2.8 %

Бүртгэл

5 сарын 23, 9:37 хүртэл

Эхлэх цаг

2026 оны 5 сарын 23 Бямба гараг, 10:07 Улаанбаатарын цагаар

Цуглах цэг

Сүхбаатарын талбай

Цуглах цэгийн солбицол

47.919, 106.917222
47°55'8.4"N, 106°55'2"E

Маршрут

УБ хотын автомашингүй өдөр

Маршрутыг дээрх холбоос бүхий хуудаснаас экспортолж аваад GPS дэмждэг гар утас зэрэг аливаа төхөөрөмжид ачаалан харж болно.

Цуглах цэгийн байршлыг дараах зураг дээр дүрс бүхий тэмдгээр заасан.

Аяллын талаарх нэмэлт мэдээлэл

Автомашингүй өдөр тохиож байгаатай холбогдуулан бямба гараг бүр зохиодог "Өдрийн аялал" арга хэмжээг өнжиж "Жийлт" гэсэн арга хэмжээг зарлаж байна. Автомашингүй өдөр арга хэмжээг Улаанбаатар хот 2009 оноос эхлэн зохиож ирсэн ба манай клуб 2019 оноос хойш тус өдөрлөгтэй уялдуулсан ийм арга хэмжээг жийлт гэсэн ангилалд хамааруулан өөрийн гишүүдийн хүрээнд зохиодог болсон.

Та автомашингүй өдрөөр гэр бүлтэйгээ хамт
1) автомашины хөдөлгөөн хорьсон гудамж замаар жийх
2) өдөрлөгийн үеэр зохиох арга хэмжээнүүдэд оролцох
3) автомашины хөдөлгөөн хорьсон гудамж замаар алхаж зугаалах
4) хотоос гарч аялах зэргээр энэ бямба гарагийг гэр бүлдээ зориулаарай.

Маршрутын талаарх нэмэлт мэдээлэл

Тус маршрут нь Улаанбаатар хотод жил бүр зохион явуулдаг Автомашингүй өдөр арга хэмжээнд хамрагддаг гудамж, замын хамрах хүрээг заана. Жич: Сансарын уулзвараас Зүүн дөрвөн зам уулзвар хүртэлх Их тойруугийн замын автомашины хөдөлгөөнийг хаадаггүй. Мөн маршрутын урт 20 км байгаа нь клубээс энэхүү өдрийг тохиолдуулан зарлах жийлтийн замын уртыг ерөнхийдөө 20 км гэж тооцдог байсан түүхэн уламжлалтай холбоотой ба иймд тус машрут нь 10 км урт зам бүхий хоёр ижил тойрог замтай байна.

Хэрхэн оролцох вэ?

Төлбөр хураамж авдаг уу?: Үгүй.
Өөр клубийн гишүүн оролцож болох уу?: Болно. Манайх нээлттэй клуб.
Ямар нэг нөхцөл хязгаарлалт тавьдаг уу?: Та насанд хүрсэн байх ёстой.
Яаж холбоо барих вэ?: Энэхүү веб сайт дахь холбоо барих хуудас эсвэл Фейсбүүк пейж зэрэг сувгаар холбогдоно.

Хувийн хэрэг нээх

Нэн тэргүүнд хувийн хэрэг нээх хэрэгтэй. Хэрэв уг веб сайт дээр хувийн хэрэг нээсэн бол удаах алхамд шууд шилжинэ.

Аялалд бүртгүүлэх

Энэхүү веб хуудас дээрх Бүртгэл гэсэн нэртэй хэсэг дэх бүртгүүлэх товчлуур дарж бүртгүүлнэ. Хэрэв та веб сайтад нэвтэрч орсон бол бүртгүүлэх товчлуур харагдана. Харин нэвтэрч ороогүй бол нэвтэрч орсоны дараа аялалд бүртгүүлнэ.

Цуглах цэгт хоцролгүй очих, ирц болон оролцоогоо мэдүүлэх

Бүртгүүлсэн аяллынхаа цуглах цэгт, эхлэх цагаас өмнө очиж админд хүрэлцэн ирсэнээ мэдүүлнэ. Мөн тарах цэгт өөрийн оролцоогоо админд мэдүүлнэ. Админ үүний дагуу ирц болон оролцоог веб сайт дахь таны хувийн хэрэгт бичиж тэмдэглэнэ.

Улаанбаатар уулын дугуйн клуб нь Facebook нийгмийн сүлжээний платформын групп байдлаар анх байгуулагдан байсан цаг үед түүний About хэсэгт "Энэ группт дан насанд хүрсэн том жаалууд амьдардаг." гэсэн бичээс харуулдаг байлаа. Жаал гэж бага насны хүү, охиныг хэлдэг. Том гэсэн нь бага настай биш шүү гэдгийг илтгэнэ. Мөн "насанд хүрсэн" гэсэн нэмэлт тодотголтой.

Насанд хүрэх гэдгийг Монгол хэлний их тайлбар тольд "амьдарсан жилийн тоо арван найм хүрэх" хэмээн тодорхойлсон байдаг. Хууль эрх зүйн зүгээс насанд хүрэх гэдгийг эрх зүйн бүрэн чадамжтай иргэн болох гэж үздэг. Харин "Клубийн дүрэм"-д та өөрийн хариуцлагаа өөрөө л үүрнэ гэсэн утгатай заалт бий. Ерөөсөө та манай клубээс зохион явуулж буй аялалд оролцохдоо зохих үүргүүд л хүлээнэ. Та веб сайтын нүүр хуудсаас Улаанбаатар уулын дугуйн клуб нь насанд хүрсэн хувь хүний эрх, үүргийг хүндэтгэн үзэх үзэл дээр тулгуурлан бий болсон систем гэдгийг мэддэг болсон биз ээ. Үүрэг нь бусдын эрх, аюулгүй байдлыг хангахын төлөө байдаг. Үүргийг насанд хүрсэн хүн л бүрэн үүрнэ.

Насанд хүрэх гэдгийг нөгөө талд Философийн салбарт бие даах чадвар, хариуцлага хүлээх чадвар, оюун санаа болон ёс суртахууны төлөвшил, амьдралын утга учраа олох, өөрийн "би"-г ойлгох гэх мэтчилэн өргөн утгаар авч үздэг. Эдгээр нь унадаг дугуйн аялал дээр тусахдаа унадаг дугуйгаа асуудалгүй унан, түүртэлгүй жийсээр өөрөө өөрийгөө аваад явчих; адгийн наад зах нь дугуй хагарахад өөрөө нөхөж чадахгүй ч нөхөөс, цавуу, халив, насосоо гаргах; өөрөөсөө болж бүтэн багийн аяллыг үл тасалдуулах; клубийн баримталдаг зарчим, үнэт зүйлийг ойлгон ухамсарласан байх; унадаг дугуйн аялал гэсэн цоо шинэ хобби - хийх дуртай нэг зүйлээ олох гэх мэтчилэн бууна. Түүнчлэн хэрэв яг одоогийн байдлаарх таны өөрийн "би" нь клубийн дүрэм, баримталдаг зарчим, үнэт зүйлтэй тохирохгүй байвал та өөртэйгээ зөрчилдөн аялалд оролцох гэж зүтгэх хэрэг юун? Ийм зөрчилд хүрэхээс сэргийлэн энэхүү веб сайтаас Улаанбаатар уулын дугуйн клубийн талаар уншиж судлан өөрийн "би"-гээ шинэчлээрэй.