Өдрийн аялал #28 - БОГД УУЛ, БУМБАТЫН АМ

Группийн түүх: 2017 оны III сарын тайлан (зураг 5)

Манай группийнхэн товлосон цагтаа цуглаж аялал 10.00 цагт эхэллээ. Энэ удаагийн аялалд шинээр 6 аялагч гишүүн нэгдэж нийт 19 хүн (рекорд) оролцлоо.

Хөлийн голын төмөр замын гүүр хүртэл автомашины замаас зайлсхийн Туул голын үерийн далан, Баянзүрхийн төмөр замын дагуух шороон замаар урамтай (салхи ар нуруунаас байлаа) жийлээ. Богд уулын хойд хормой дагасан (нэг гишүүний дугуй хагарсан, бас нэг гишүүний гинж тасарсан) замаар "сүргээрээ" жийж, Бумбатын амын замаар уул өөд өгсөв.

Амны салхи урдаас нэвт үлээж, өгсүүр замын зөөлөн хөрс дороос чангаана. Манайхан 12.30 цагт Бумбатын амны баруун талын дөрөлж дээр гарав. Цааш уруудан өгсөн, салхинд цохиулан жийсээр Чулуутын амыг "нэвт гарч", Хүрэл тогоотын амаар доош уруудан төмөр замын намхан, хавчиг гарам доогуур "бөхтийн" гарч, Баянзүрхийн гүүрээр гарч, Туул голын далангийн зам руу оров.

Энэ удаа аюулгүй байдлыг хангах зорилгоор төлөвлөсөн Скай ресортын замаар жийгээгүй болно. Унадаг дугуйн замаар хотын зүг жийхэд салхины хүчийг ёстой л нэг мэдэрлээ. Манайхан бөөнөөрөө ээлжлэн салхиа авч жийсээр Дүнжингарав дээр 15.00 цагт ирж аялал амжилттай дууслаа.

Шинэ гишүүд маань унадаг дугуйг маш сайн жийж байлаа. Ялангуяа эмэгтэй гишүүн Э.Уянга (074) дүүдээ халуун баяр хүргэе.

Манай группийн аялагч гишүүн болсон Ц.Наранхүү (069), Т.Оюун Эрдэнэ (070), Д.Эрдэнэням (071), Ж.Нанзаддорж (072), А.Тэмүүжин (073), Э.Уянга (074) нар болон толгойн сэргийлэх Э.Батуух (014), аюулгүйн цоожлогч Г.Манлай (034), түүх бүтээгч гэрэл зурагчин Ч.Мажигсүрэн (036), аяллын нийт гишүүдэд талархал дэвшүүлье. Салхины хүчийг баг хамт олны нэгдсэн ажиллагаагаар давдаг гэдгийн маш сайн ойлгож мэдэрлээ.