Өдрийн аялал #36 - МАЙХАН ТОЛГОЙ БУЮУ АЯЛЛЫН ӨМНӨХ АМРАЛТ

Аяллын тэмдэглэл

Унадаг дугуйн аялалд тохирсон маш сайхан цаг агаартай өдөр боллоо. Энэ удаагийн аялалд Мерида Улаанбаатар клубын дугуйчид (7 аялагч) манай групптэй нийлэн нийт 31 хүний бүрэлдхүүнтэй "нүсэр" (оролцогчдын тоогоор рекорд тогтоов) баг 9.20 цагт 6 буудлаас хөдөллөө.

Хамтын хүчээр салхи сөрөн жийж 9.50 цагт Жигжидийн зуслан улмаар 11.10 цагт Майхан толгойн хойд талын даваа дээр ирлээ. Багийн гишүүдийн жийлтийн хурд өндөр байсан ба аргагүй л ачаалал дааж сурсан нь илт байлаа.

Үдийн хоол идэж, амран дурсгалын зураг татуулаад, ирсэн замаараа уруудан "буудсаар" (дээд хурд 59 км/ цаг байлаа) 13.30 цагт 6 буудал, 14.00 цагт хотын төвд ирж аялал амжилттай дуусав. Аяллын зай 50 км.

Мэдээж ямар ч аяллын үед тохиолдож болох эрсдлийг бид тойрсонгүй. Багийн 2 гишүүн сүрхий онхолдон унаж биднийг сандрааж амжив. Гэхдээ ноцтой гэмтсэнгүй, шалгаралт зулгаралт зөөлөн эдийн битүү бэртэл авсан болно.

Анх удаа бидэнтэй нэгдэн жийж аялагч гишүүн болсон Д.Цолбаяр (089), Б.Мөрөн (090), Ж.Ванжинсүрэн (091), З.Ананд (092), Т.Мэндсайхан (093), Т.Баяртогтох (094) нар болон нийт гишүүдэдээ талархал илэрхийлье. УБ 240/24 цаг аяллын өмнөх хөнгөн бэлтгэл амжилттай боллоо. Та нартаа амжилт хүсье.

Оролцсон гишүүд

бахархлын тэмдэг
туулсан замын урт
оролцсон аяллын тоо
оролцсон хоногийн аяллын тоо
оролцсон олон хоногийн аяллын тоо
УБ 240/24 ультра жийлтийг дуусгасан тоо
Дугуйчны долоон даваа сорилго давсан тоо

Д.Цолбаяр Т.Баяртогтох Д.Нямдаваа Б.Мөрөн З.Ананд Т.Зоригоо Т.Мэндсайхан П.Рагчаабазар Г.Цэрэндорж Б.Элбэг-Эрдэнэ С.Батмөнх Ш.Бат Г.Манлай А.Тэмүүжин Ж.Ванчинсүрэн С.Батсуурь Н.Ууганбаяр Д.Ганбат Г.Түвшинтөгс Э.Уянга Ц.Наранхүү Т.Баярсайхан Ч.Мажигсүрэн Э.Отгонжаргал