Улаанбаатар уулын дугуйн клубийн аяллын маршрут

Налайх - Баян-Уул - даваа - Сэргэлэн сум - даваа - Ээж хад - даваа - Сэргэлэн сум - Хөшигтийн хөндий - Алтанбулаг сум - Туул тосгон - Морингийн даваа - Буянт-Ухаа

Холбоотой аялал
1 аялал
Туулах замын урт
240 км
Өндөр авалт
2242 м
Цуглах цэг
Налайх Оргил худалдааны төвийн замын урд талбай
Цуглах цэгийн солбицол
47.791056, 107.217083 — 47°47'27.8"N, 107°13'1.5"E

Уг маршрут УБ хотын зүүн өмнө болон баруун өмнө мөн Төв аймгийн Сэргэлэн, Алтанбулаг сумдын нутаг дэвсгэрийг дайрна. Нийт замын 60 орчим хувь нь шороон, үлдсэн нь цардмал байна. Маршрутын уртыг Сүхбаатарын талбай хүртэл тооцсон.

Маршрутын задаргаа

Маршрутыг УБ240/24 аяллыг зохиож ирсэн уламжлалын дагуу сегментүүдэд хувааж, бүртгэлийн цэгүүд заасан. Эдгээр бүртгэлийн цэгүүд нь цуглах цэг, дайран өнгөрөх суурингууд, аяллын оргил цэг болон аялал дуусах цэгтэй уялдана.

  1. Бүртгэлийн цэг 1 - Гараа
    Энэ нь цуглах цэг дээр байна.
  2. Бүртгэлийн цэг 2 - Сэргэлэн сумын төв
    Бүртгэлийн цэг 1 буюу гараанаас цардмал замаар 23 км орчим жийгээд Майдар бурхны хөшөөт цогцолборын баруун өмнөөс шороон зам руу салж 7.8 км жийгээд Сэргэлэн сумын төв (гарц 1, жийлтийг маршрутын уртын 20 хувиар тооцно) хүрнэ.
    Энэхүү цэгээс багийн холбоочин мэдээ илгээнэ.
  3. Бүртгэлийн цэг 3 - Ээж хад
    Сэргэлэн сумын төвөөс урагш 37.7 км жийж Ээж хад хүрнэ.
    Энэ цэгт холбоочин мэдээ бэлдэнэ. Бэлдсэн мэдээгээ дараагийн бүртгэлийн цэгээс илгээнэ.
  4. Бүртгэлийн цэг 4 - Сэргэлэн сумын төв
    Ээж хадаас Сэргэлэн сумын төв (гарц 2, жийлтийг маршрутын уртын 50 хувиар тооцно) рүү буцаж 37.7 км жийнэ.
    Тус цэгээс багийн холбоочин шинэ болон өмнө бэлдсэн мэдээгээ илгээнэ.
  5. Бүртгэлийн цэг 5 - Алтанбулаг сумын төв
    Бүртгэлийн цэг 4 буюу Сэргэлэн сумын төвөөс Хөшигтийн хөндийгээр дамжин Алтанбулаг сумын төв (гарц 3, жийлтийг маршрутын уртын 80 хувиар тооцно) хүртэл шороон замаар 55 орчим км жийнэ.
    Уг цэгээс холбоочин мэдээ илгээнэ.
  6. Бүртгэлийн цэг 6 - Бариа
    Бүртгэлийн цэг 5 буюу Алтанбулаг сумын төвөөс цардмал замаар 36 км жийж Буянт-Ухаа дахь Сод Монгол шатахуун түгээгүүрийн зүүн талын орон сууцны барилгын нэг дүгээр давхарт үйлчилгээ явуулдаг CU дэлгүүрийн салбарт хүрч аялал дуусна.
    Энэхүү барианы цэгээс багийн холбоочин сүүлийн мэдээ илгээнэ.
GPX файл татах Маршрутын GPS мэдээллийг GPX буюу GPS Exchange форматаар татан авч GPS дэмждэг ихэнх төхөөрөмж рүү оруулах боломжтой. Хэрэв Maps.me, Google Earth зэрэг KML буюу Keyhole Markup Language формат шаарддаг аппликейшн руу маршрутын GPS мэдээллийг оруулах бол GPX-ыг KML рүү хувиргана.